SERIKALI YAANZA KUTOA ELIMU KWA MAKONDA NA MADEREVA WANAOSAFIRISHA KEMIKALI

KATIKA kupunguza Madhara  ya Kemikali kwa wananchi, Serikali kupitia Wakala wa Mkemia Mkuu wameanza utoaji wa elimu kwa Madereva na Makondakta wa Magari ya usafirishaji wa bidhaa hizo ndani na je ya nchi.

Akizungumza na Waandishi wa Habari leo jijini Dar es salaam Msimamizi wa Mifumo ya Ubora na Utafiti wa Kemikali katika Wakala wa Mkemia Mkuu wa Serikali BEN  MALYA, amesema kumekuwa na uelewa mdogo kwa Madereva na Makondakta juu namna ya kuepusha madhara ya kemikali pale ambapo magari ya kubeba bidhaa hiyo yanapopata ajali na kemikali kumwagika.