Obama: Kutumwe askari wa Marekani Gaza kuua watu

Rais Barack Obama wa Marekani ameitaka Wizara ya Ulinzi ya nchi hiyo kutuma askari 2000 zaidi wa Kimarekani kwenda kuwasaidia askari wa Kizayuni kuwaua wananchi wasio na ulinzi wa Ukanda wa Ghaza. Kwa mujibu wa ripoti hiyo, Obama ameitaka wizara hiyo kuandaa askari hao kwa ajili ya jambo hilo. Gazeti la Kimarekani la National Report limeandika kwamba, Pentagon imekubaliana na ombi hilo la Obama. Weledi wa mambo wanasema kuwa, ikiwa Obama atapitisha amri hiyo, basi itakuwa ni mara ya kwanza katika historia ya jeshi la Marekani kuvamia eneo la Ghaza au katika eneo lolote lile la Palestina kwa lengo la kuusaidia utawala haramu wa Kizayuni. Suala hilo pia linaashiri uungaji mkono wa kuchupa mipaka wa Marekani kwa jinai za utawala haramu wa Kizayuni wa Israel. Aidha suala hilo linadhihirisha wazi kwamba, jeshi la Israel ambayo ilikuwa ikijinadi kuwa jeshi lisiloshindwa, limeshindwa katika mashambulizi yake dhidi ya ukanda huo. Hii ni katika hali ambayo, shakhsia mbalimbali wa Marekani, wanapinga na kukosoa mwenendo wa watawala wa serikali ya Washington katika kuiunga mkono Israel ambapo mara kadhaa kumekuwa kukishuhudiwa maandamano makubwa katika kupinga suala hilo.