Carter na Robinson: Magharibi iitambue rasmi Hamas

Jimmy Carter Rais wa zamani wa Marekani na Mary Robinson Rais wa zamani wa Ireland wamelaani vikali jinai za utawala wa Kizayuni wa Israel dhidi ya wananchi wa Palestina wa Ukanda wa Ghaza na kuzitaka nchi za Magharibi kuitambua rasmi Harakati ya Muqawama wa Kiislamu wa Palestina Hamas. Jimmy Carter pamoja na Mary Robinson wamelaani kwa pamoja jinai zilizofanywa na Wazayuni huko Ghaza.  Marais  wa zamani wa Marekani na Ireland wameeleza kuwa, hali iliyoko hivi sasa huko Ghaza eneo ambalo linakabiliwa na mzingiro wa kidhulma kwa miaka kadhaa ni  janga la kibinadamu na kusisitiza kwamba, mashambulizo ya kijeshi ya Israel huko Ghaza  bila shaka ni  jinai za kivita. Viongozi hao wa zamani wa Marekani na Ireland  wameeleza kuwa, Hamas siyo kikundi cha kijeshi pekee bali pia ni harakati ya kisiasa, hivyo wameitaka Marekani na nchi nyingine za Ulaya kuitambua rasmi harakati ya  Hamas na kuliondoa jina la harakati hiyo kwenye orodha ya makundi ya kigaidi.  Inafaa kuashiria hapa kuwa, kwenye mashambulio ya Israel dhidi ya Ghaza, kwa akali Wapalestina wasiopungua 1,900 wameuawa shahidi wengi wao wakiwa wanawake na watoto na wengine zaidi ya 9,500 wamejeruhiwa.