Ajali Mbaya ya Bajaj Dar

Kijana  aliyefahamika  kwa  jina  la  Frank  Satrun(26)  mkazi  wa  Mikocheni  ambaye   ni  dereva  bajaj  afariki  dunia  baada  ya  kugongana  na  gari  aina  fuso.

Jeshi  la  polisi  kanda  maalum  ya  Dar  es  salaam   limethibitisha  kutokea  kwa  tukio  hilo,  na  kusema  kuwa  ajali  hiyo  ilitokea  barabara  ya  Mandela  eneo  la  Mabibo   hostel,  ambapo  gari  namba  T  439  AUZ  aina  ya  fuso  iliyokuwa  ikiendeshwa  na  dereva  ambaye  hakufahamika  akitokea  ubungo  kuelekea  buguruni  ndipo  alipoigonga  kwa  nyuma   bajaji  aina  ya  TVS  yenye  namba  T  937  CQL  iliyokuwa  ikiendeshwa  na  marehem  Frank  na  kusababisha  kifo  chake  papo  hapo.

 Baada  ya  ajali  hiyo  maiti  ilihifadhiwa  hospitali  ya  amana  huku  gari  na  bajaji  vikihifadhiwa  kituo  kidogo  cha   polisi  external.

 

Aidha  jeshi  la  polisi  kanda  maalum  limesema  kuwa  hakuna  aliyekamatwa  na  jitihada  za  kumtafuta  dereva  aliyesababisha  ajali  na  kukimbia  zikiendelea.

Wakati  huo  huo  eneo  la  relini  barabara  ya  Kawawa   dereva  wa  bodaboda  aliyefahamika  kwajina  la  Abubakari   Liviga(59)  alifariki  dunia  baada  ya  kongwa  na  gari  aina  ya  Tata.

Jeshi  la  polisi  kanda  maalum  ya  Dar  es  salaam  limethibitisha  kutokea  kwa  tukio  hilo  na  kusema  kuwa  ajali  hiyo   ilisababishwa  na  dereva   wa  gari  namba  T  967  CLQ   iliyokuwa  ikiendeshwa  na   Mkombozi  Mrisho  Hussen  (29)  mkazi  wa  mtaa  wa  Ruvuma    akitokea  veta  kuelekea  Karume  ndipo  alipoigonga  kwa  nyuma  pikipiki  namba  T  152  CJH  aina  ya  fekoni  iliyokuwa  ikiendeshwa  na  marehemu  Liviga  ambao  wote  walikuwa  na  muelekeo  mmoja.

Taarifa  zinasema  kuwa  Liviga  alikutwa  na  umauti  akiwa  njiani  akipelekwa  hospitali  ya  Temeke  na  maiti  imehifadhiwa  hospitalin  hapo .

Jeshi   la  polisi   limethibitisha  kukamatwa  kwa  dereva  huyo  na  huku  upelelezi ukiendelea