Israel yaendeleza unyama wake huko Gaza

Utawala haramu wa Israel umeendeleza mashambulizi yake ya kinyama dhidi ya raia wasio na hatia wa Ukanda wa Gaza ambapo asubuhi ya leo umeshambulia kwa makombora mazito eneo la Shujaiya na kuwaua shahidi Wapalestina kadhaa wakiwemo watoto 2. Utawala wa Kizayuni kwa mara ya kwanza umetumia ndege zake mpya za kivita aina ya F-18 na F-22 kwenye hujuma hiyo ambapo nyumba nyingi za Wapalestina pia zimeharibiwa. Shirika la Umoja wa Mataifa linalowashughulikia watoto (UNICEF) limelaani mauaji ya watoto wadogo huko Gaza na kuitaka Israel kukomesha mara moja mashambulizi kwenye maeneo ya raia. Utawala ghasibu wa Israel umetishia kupanua zaidi mashambulizi yake ya nchi kavu ingawa wanamapambano wa HAMAS wamesema hatua kama hiyo itakuwa ni sawa na Wazayuni kujitia kitanzi. Hii ni katika hali ambayo, tayari wapiganaji wa HAMAS wamewaangamiza wanajeshi 15 wa Kizayuni na kuchukua ngawira silaha zao za kisasa