Ghuba ya Uajemi linaingilia Yemen - Answarullah

Harakati ya Answarullah ya nchini Yemen, imelaani vikali Baraza la Ushirikiano la Ghuba ya Uajemi dhidi yake. Ripoti iliyotolewa na Dhaifullah al-Shami, mjumbe wa baraza la kisiasa la harakati hiyo nchini Yemen, mbali na kulaani taarifa ya Baraza hilo la Ghuba ya Uajemi iliyoyataja mabadiliko ya Sana'a kuwa ni mapinduzi ya kijeshi, imesema kuwa matukio yanayojiri nchini Yemen yanatokana na uingiliaji wa baraza hilo na Saudia. Dhaifullah amesema kuwa hotuba ya Abdul-Malik al-Huthi, kiongozi wa harakati hiyo zimewafanya viongozi wa baraza hilo kupatwa na kiwewe na hivyo kuibua propaganda kupitia vyombo vyao vya habari dhidi ya harakati hiyo. Amesema kuwa, tangu asubuhi ya Alkhamis iliyopita Harakati ya Answarullah ilianza kutekeleza ahadi yake kwa mujibu wa makubaliano mapya nchini humo. Ameongeza kuwa, matukio ya hivi karibuni nchini Yemen yalikuwa yanaandaa utekelezwaji wa njama za Saudia na baraza hilo la Ghuba ya Uajemi kwa lengo la kuizingira harakati hiyo na kuibua vita vya ndani nchini humo njama ambazo hata hivyo zimefeli.