“Saudia imedhalilika kimataifa kuishambulia Yemen” - Hujatul Islam

Khatibu wa Sala ya Ijumaa Tehran amesema kuwa mashambulizi ya Saudi Arabia na waitifaki wake huko Yemen yameidhalilisha nchi hiyo kimataifa. Akizungumza katika hotuba ya Sala ya Ijumaa ya leo hapa Tehran, Hujatul Islam wal Muslimin Kadhim Siddiqi ameashiria matukio ya Yemen na kusisitiza kuwa: Saudi Arabia imezitumia rasilimali adhimu za umma wa Kiislamu kuishambulia nchi ambayo haijafanya uvamizi wowote kwa nchi nyingine, bila kujali sheria za kimataifa na hivyo kuvuruga amani ya eneo kwa kusaidiwa na nchi kadhaa za Kiarabu ambazo zinadhibitiwa na madola yenye nguvu duniani. Hujatul Islam wal Muslimin Siddiqi amesema kufanya uvamizi wa wazi dhidi ya Yemen ni pigo kubwa la kisiasa kwa nchi inayojidai kuwa ni ya Kiislamu na kueleza kuwa Saudi Arabia haiheshimu haki zozote za Waislamu katika hali ambayo inajiarifisha kuwa hadimu wa Haramu mbili Tukufu yaani Makka na Madina.

Khatibu wa Sala ya Ijumaa ya mji wa Tehran ameashiria pia hatua ya Saudia ya kutumia silaha za kemikali katika uvamizi wake wa kijeshi nchini Yemen na kusisitiza kuwa: Utawala wa Aal Saud hadi sasa haujafanikiwa kufikia hata lengo lake moja na katika siku za usoni pia nchi hiyo itashindwa kufikia malengo yako huko Yemen. Katika hotuba ya Sala ya Ijumaa ya hapa Tehran, Imam wa Sala hiyo ameashiria vile vile mazungumzo ya nyuklia kati ya Iran na kundi la 5+1 na kusema kuwa kuna udharura wa kuheshimiwa mistari myekundu kwenye mazungumzo hayo.