Saudia yaendeleza mauaji ya raia nchini Yemen

Saudi Arabia imefanya mashambulizi mapya ya anga nchini Yemen na kupiga maeneo kadhaa ya nchi hiyo maskini ukiwemo mji mkuu, San'aa. Ripoti zimeeleza kuwa, ndege za kivita za Saudi Arabia zimeushambulia mji wa San'aa na kuwauwa watu 23 wakiwemo wanawake tisa na watoto wawili. Ndege za kivita za Saudia pia zimeushambulia mji wa Haradh katika mkoa wa kaskazini mwa Yemen wa Hajjar karibu na mpaka wa nchi hiyo na Saudi Arabia. Ndege hizo pia zimefanya mashambulizi sita katika wilaya ya Jidan katika mkoa wa Ma'rib katikati mwa Yemen. Ripoti zimeeleza pia kuwa magari matatu ya raia yameshambuliwa na ndege za kivita za Saudia katika wilaya ya Hazm katika mkoa wa al Jawf huko kaskazini magharibi mwa Yemen.
Wakati huo huo Maelfu ya raia wa Yemen wamefanya maandamano makubwa leo mjini San'aa na katika miji mingine ya nchi hiyo wakipinga mashambulizi ya kinyama yanayoendelea kufanywa na jeshi la Saudi Arabia na washirika wake dhidi ya watu wa nchi hiyo.
Maelfu ya raia wasio na hatia wa Yemen wameuawa na malaki ya wengine kuwa wakimbizi katokana na mashambulizi hayo ya Saudia