CCM yajibu kombora la Chadema kwa Waziri

Katibu wa Itikadi na Uenezi wa CCM, Nape Nnauye akizungumza kwenye mkutano na  waandishi wa habari uliofanyika Ofisi Ndogo ya Makao Makuu ya CCM, Lumumba, Dar es Salaam, jana.

Ni kuhusu tuhuma za Chadema kwa Waziri wa Uchukuzi , Dk Harrison Mwakyembe juu ya masuala ya TPA.

Dar es Salaam. Siku moja baada ya Chama cha Demokrasia na Maendeleo, Chadema kumtuhumu Waziri wa Uchukuzi Dk Harrison Mwakyembe kwamba anakipendelea Chama Cha Mapinduzi (CCM), chama hicho kimejibu mapigo kikidai kuwa Chadema kinahadaa wananchi na hakina uhakika na kile wananchokizungumza.

Juzi, Mkurugenzi wa Oganaizesheni na Mafunzo, wa Chadema, Benson Kigaila alisema Waziri Mwakyembe anatakiwa kuwaeleza Watanzania juu ya uamuzi wa kuipa zabuni kampuni hiyo.

Akizungumza jijini Dar es Salaam jana, Katibu wa Itikadi na Uenezi wa Chama hicho, Nape Nnauye alisema Kampuni ya Jitegemee Trading Company ambayo inamilikiwa na Chama hicho haijaingia  mkataba na Mamlaka ya Bandari ( TPA) ili kutoa eneo lake la Sukita kwa matumizi ya mamlaka hiyo kama walivyodai Chadema. Mbali na hilo chama hicho kimesema viongozi wa Chadema wanapenda kuzungumza uongo na chuki.

Kauli hiyo ilitolewa  jana ,baada ya Chadema  kumtuhumu Waziri wa Uchukuzi, Dk Harrison Mwakyembe kikidai ametoa zabuni ya upanuzi wa    TPA  kwa Kampuni ya Jitegemee Trading Company kinyume cha utaratibu wa sheria za ununuzi.

Nape alisema kiwanja hicho, chenye ekari 100 kilichopo eneo Bonde la Mto Msimbazi,  ambacho kinamilikiwa na Kampuni ya CCM hakijaingia mkataba na Kampuni yoyote, licha ya kampuni zaidi ya saba ambazo zimeomba zabuni ya kumiliki eneo hilo ikiwamo TPA.
‘‘Chadema ni waongo tena wanawapotosha Watanzania. Sisi tunaona kwamba  wanapoelekea watapotea kabisa.’’

MANANCHI