12 Kizimbani mauaji ya KITETO

Kiteto. Wafugaji 12 wa jamii ya Kimasai wilayani Kiteto, katika Mkoa wa Manyara, wamefikishwa mahakamani wakikabiliwa na kesi ya mauaji ya wakulima tisa.

Mwendesha Mashtaka Sajenti wa Polisi, Oscar Munisi, alidai kuwa watuhumiwa walitenda makosa hayo Januari 12 mwaka huu, katika Vitongoji cha Laitime na Mtanzania wilayani Kiteto.

Aliwataja watuhumiwa kuwa ni, Michael Lepunyati, Richard Mlahangwa, Kipande Luguto, Lembris William, Meshack Ololipwa, Zacharia Ololipwa, Mosonic Ngangwai, Losirian Isaaya, Dijalo Kalalapapai, Paulo Tunyani, Mohamed Kinyonga na Daudi William.

Sajenti Munisi alidai kuwa watuhumiwa hao kwa pamoja, waliwaua, Mussa Madola, Steven Kisichi, Masinga na Zungu Mgogo katika kitongoji cha Mtanzania.

Alisema siku hiyo hiyo, , watuhumiwa pia waliwaua Emmanuel Paul, Said Hamadi, Shukuru Paul, Mhaule Joseph, Zacharia Petro na Rajabu Abdallah katika Kijiji cha Laitime.

Hata hivyo, washtakiwa hawakutakiwa kujibu lolote kwa sababu mahakama hiyo haina mamlaka ya kusikiliza kesi za mauaji.

Kesi hiyo imeahirishwa hadi Februari 3 mwaka

Wakati huohuo, polisi wilayani humo, wamekamata bunduki tatu aina ya Shortgun, Rifle mbili na bastola katika maeneo ya mapigano kati ya wakulima na wafugaji wilayani humo.

Kamanda wa polisi mkoani Manyara, Akili Mpwapwa alisema jana kuwa, katika operesheni yao, polisi pia wamefanikiwa kukamata risasi 73.

Kamanda Mpwapwa alisema katika operesheni hiyo, watu 35 walikamatwa na 12 miongoni mwao wamefikishwa mahakamani.

Kwa mujibu wa kamanda huyo watu wengine 10 wapo chini ya uangalizi na saba wameachiwa huru

“Uchunguzi wa tukio hili, unaendelea na tuna imani wote waliohusika na mauaji watakamatwa,” alisema.

credit, mwananchi