Watu wawili wafariki dunia na mwingine kubakwa katika
matukio matatu tofauti mkoani Iringa likiwemo la mkulima wa Kijiji cha
Udekwa kukutwa chumbani kwake akiwa amefariki dunia.
Akizungumza na mtandao huu wa www.matukiodaima.com
ofisini kwake Kamanda wa polisi mkoa wa Iringa ACP Ramadhani Mungi
alithibitisha kutokea kwa tukio hilo lililotokea mnamo tarehe 16 machi
majira ya saa 3 kamili asubuhi huko maeneo ya Kihesa Ngome.
Kamanda alimtaja marehemu aliyefahamika kwa jina la Dotto Kigoda (18) na kusema chanzo cha tukio hilo bado kinachunguzwa.
Tukio lingine mtu mmoja aliyefahamika kwa jina la Fredy
Kihwelo (32) mkulima wa Mseke alikutwa juu ya mti akiwa amejinyonga kwa
kutumia kanga.
Tukio hilo lililotokea mnamo tarehe 16 machi majira ya saa 5
kamili asubuhi maeneo ya Pipeline wilaya ya Iringa Vijijini huku chanzo
cha tukio hilo kikisemekana kuwa marehemu alikuwa na ugonjwa wa akili.
Mbali na matukio hayo mawili ya vifo, Kamanda Mungi alisema
mtu mmoja aliyefahamika kwa jina la Lemi Chang’a alimbaka binti wa miaka
14 ambaye ni mwanafunzi wa kidato cha nne katika shule ya sekondari
Lipuli.
Tukio hilo lililotokea mnamo tarehe 15 machi majira ya saa 7
kamili mchana huko maeneo ya Kijiji cha Mwika kata ya Ulanda kilichopo
wilaya ya Iringa Vijijini.
Kamanda alisema mtuhumiwa alimfanyia kitendo hicho mwanafunzi
huyo ndani ya gari la mtuhumiwa na kumsababishia maumivu makali sehemu
za siri mwanafunzi huyo, huku chanzo kikiwa ni tamaa ya mwili hata hivyo
mtuhumiwa anatafutwa na jeshi la polisi.
0 comments:
Post a Comment