TAARIFA RASMI! FRANK RIBERY KUZIKOSA FAINALI ZA KOMBE LA DUNIA BRAZIL

NYOTA wa Ufaransa, Franck Ribery atakosa fainali za kombe la dunia baada ya kushindwa kupona majeruhi yake ya mgongo.

Ribery pamoja na kiungo wa Lyon  Clement Grenier wameondolewa rasmi katika kikosi cha Ufaransa kutokana na majeruhi.

Winga wa Bayern Munich, Ribery amekuwa akisumbuliwa na majeruhi ya mgongo na amekuwa akifanya mazoezi peke yake mpaka leo hii alipojiunga na wenzake mazoezini.

 Ribery aliyeichezea Ufaransa mechi 80 ni mchezaji muhimu kwa  Deschamps na kumkosa katika fainali za kombe la dunia ni pengo kubwa mno.

 Nje: Franck Ribery (kushoto) hataenda Brazil, huku kocha wake Didier Deschamps (kulia) akitazama mechi.

 Nje: Kuondolewa kwa  Ribery (kushoto) kumemlazimu kocha Deschamps (kulia) kukifanyia mabadiliko kikosi chake cha kombe la dunia.

 Ribery ameshindwa kupona kwa wakati.

 Fursa: Mchezaji wa Southampton, Morgan Schneiderlin (kulia) ameitwa kuziba nafasi hiyo.

 Mambo safi: Schneiderlin (kulia akiwasili Clairefontaine kwa ajili ya mkutano na waandishi wa habari baada ya kuitwa timu ya taifa.