Makomando wa Israel wajeruhiwa vibaya na HAMAS

Wapiganaji wa Harakati ya Mapambano ya Kiislamu ya Palestina HAMAS wamewajeruhi vibaya makomando 4 wa baharini wa utawala ghasibu wa Israel. Habari zinasema kuwa, makomandoo hao wenye uzoefu wameshindwa kuingia kwenye eneo la Sudanyia baada ya kukabiliwa na upinzani kutoka kwa wanamapambano wa Brigedi ya Qassam ambalo ni tawi la kijeshi la HAMAS. Wazayuni walikuwa wakijaribu kuanzisha hujuma ya nchi kavu leo alfajiri wakati mapigano makali yalipotokea kati yao na wanamapambano wa Kipalestina.

Umoja wa Mataifa umezidi kutoa wito kwa pande mbili za Palestina na Israel kusitisjha mapigano mara moja. Hadi sasa mashambulizi ya kinyama ya utawala haramu wa Israel huko Gaza yamesababisha kuuawa shahidi Wapelstina 155.

Wakati huohuo serikali ya Senegal imelaani mashambulizi ya utawala haramu wa Israel katika Ukanda wa Gaza na kuutaka Umoja wa Mataifa uchukue hatua za haraka kuwasaidia Wapalestina. Taarifa ya serikali ya Senegal imetaka UN kupeleka misaada ya dharura kwa watu wa eneo la Gaza sambamba na kuilazimisha Israel ikomeshe mashambulizi yake mara moja.