Mapigano makali mji wa San'aa; wanamgambo wa Kishia wakaribia kuiteka Ikulu ya Yemen.

Habari kutoka nchini Yemen zinaeleza kuwa mapigano makali yamepamba moto katika mji mkuu wa nchi hiyo wakati ambapo wanamgambo wa Kishia wa Huthi wakijaribu kuuteka Ikulu ya nchi hiyo.

Mapigano hayo yalikuja wakati ambapo wanamgmbo wa Huthi walipofanya mashambulio ya kupangwa dhidi ya kikosi cha Haraasul Jamhuri wanaolinda Ikulu ya Rais wa nchi hiyo.

Waandishi wa habari waliripoti jana kuwa makali ya mapigano yaliendelea kusini mwa mji wa San'aan na pembezoni mwa Majengo ya Kasri ya Ikulu wa Rais Abdi Rabih Hadi Mansuri kiongozi wa Utawala Kibaraka wa Yemen.

Habari zaidi zinaeleza kuwa wanamgambo wa Kishia wa Yemen wanajaribu kuuchukua Ikulu ya nchi hiyo siku mbili zilizopita walimteka Mkurugenzi wa Ikulu,na inaaminika wanasonga pole pole kuelekea Ikulu.

Mwezi september mwaka jana wanamgambo hao walio mawakala wa Iran waliutwaa mji wa San'aa na maeneo mengi ya miji muhimu nchini Yemen.